አህጉራዊ የአየር ንብረት ለውጥ ተፅዕኖን ለማቃለል ዓለም አቀፍ የፋይናንስ ድጋፍና ትብብርን ማጠናከር ያስፈልጋል - ፕሬዚዳንት ዊሊያም ሩቶ

2 Mons Ago
አህጉራዊ የአየር ንብረት ለውጥ ተፅዕኖን ለማቃለል ዓለም አቀፍ የፋይናንስ ድጋፍና ትብብርን ማጠናከር ያስፈልጋል - ፕሬዚዳንት ዊሊያም ሩቶ

ከአፍሪካ ሕብረት የመሪዎች ጉባዔ ጎን ለጎን አህጉራዊ የአየር ንብረት ለውጥ ተፅዕኖን የመከላከል ሪፖርት አፈጻጸም ላይ ምክክር ተካሂዷል። 

የመድረኩ ሊቀመንበር እና የኬንያው ፕሬዚዳንት ዊሊያም ሩቶ፥ አፍሪካ በቴክኖሎጂ ልማት እያስመዘገበችው ያለውን ተስፋ ሰጪ እርምጃ የአየር ንብረት ለውጥ ጫናን ለማቃለል ማዋል ይጠበቅባታል ብለዋል። 

ዓለም አቀፍ ለጋሽ ሀገራትና የፋይናንስ ሥርዓቱም አፍሪካ የአየር ንብረት ለውጥ ተፅዕኖን ለማቃለል እያከናወነችው ያለውን ስትራቴጂክ የልማት ሥራ መደገፍ እንደሚጠበቅባቸው ተናግረዋል። 

በፓን አፍሪካ እሳቤ ይፋ የሆነው አህጉራዊ የአረንጓዴ ኢንዱስትሪያላይዜሽን ኢኒሺዬቲቭም የታዳሽ ኃይል አማራጭ የልማት ትብብርን ማጠናከር እንደሚገባው አፅንዖት ሰጥተዋል።