በወር እስከ 2 ሚሊዮን ብር ለወገኖቹ ሕይወት መቃናት ድጋፍ የሚያደርገው ወጣት

1 Yr Ago
በወር እስከ 2 ሚሊዮን ብር ለወገኖቹ ሕይወት መቃናት ድጋፍ የሚያደርገው ወጣት
ማስተር አብነት ከበደ
የበጎ ተግባር እና መልካም ሥራ ላይ መሳተፍን ነፍሱ ትወዳለች፣ የተቸገሩ ሰዎችን መርዳት በጎ ተግባራት ማከናወን ገና በልጅነቱ ከቤተሰቡ የወረሰው መልካም ተግባር ነው።
ማስተር አብነት ከበደ ዕድሜው ገና ወጣት ቢሆንም የሚያከናውናቸው ሰብዓዊ ተግባራት አጃኢብ የሚያስብሉ ናቸው።
ወጣቱ በጎ አድራጊ ማስተር አብነት ከበደ ከኢቢሲ ሳይበር ጋር ሰፋ ያለ ቆይታ አድርጓል።
በተለያዩ አጋጣሚዎች ሰዎችን መርዳት ይወዳል፣ የሕዝብ ትራንስፖርት መጠቀም የሚያዘወትረው ማስተር አብነት በየወሩ እስከ 2 ሚሊዮን ብር ድረስ ድጋፍ በማድረግ የተሰበሩ ልቦችን ይጠግናል።
ማኅበራዊ ሚዲያዎችን ለሚያከናውናቸው በጎ ተግባራት በመሣሪያነት ይጠቀማል፤ የ30 ዓመቱ ወጣት ማስተር አብነት “ማኅበራዊ ሚዲያዎች ሚሊዮኖች ጋር በቀላሉ እንዲደርስ ጠቅሞኛል” ብሏል።