ኢራን "ጋዛ" የሚል ስያሜ የሰጠችውን እና እስካሁን ከሰራቻቸው ድሮኖች ሁሉ በግዝፈቱ የሚልቀውን አዲስ ድሮን ይፋ አድርጋለች።
500 ኪሎግራም ክብደት የመሸከም አቅም እንዳለው የተነገረው ድሮኑ፣ በአንድ ጊዜ 13 ቦንቦችን መያዝ ይችላል ተብሏል።
እስከ 1ሺህ ኪሎ ሜትር ድረስ ጥቃት መፈፀም እንደሚችልም ተነግሯል።
በአየር ላይ ያለማቋረጥ ለ35 ሰዓታት መቆየት እንደሚችል የተነገረለት ድሮኑ፤ በሰዓት 350 ኪሎሜትር መብረር ይችላልም ተብሏል።
"ጋዛ" የሚል ስያሜ የተሰጠው ይህ ድሮን 22 ሜትር የሚረዝም ክንፍ አለው።
በኢራን እሁድ እለት በተካሄደ ትልቅ ወታደራዊ ልምምድ ላይ ይፋ የተደረገው ድሮኑ፣ በዚሁ ወቅት ለመጀመሪያ ጊዜ ስምንት ኢላማዎችን በተሳካ ሁኔታ ማውደም ችሏል ተብሏል።