በአሜሪካ ካሊፎርኒያ ግዛት ሎስ አንጀለስ ከተማ የተከሰተው የሰደድ እሳት አሁንም ከቁጥጥር ውጪ ሆኖ በሰው እና በንብረት ላይ ጉዳት ማድረሱን መቀጠሉ ተገልጿል፡፡
በተከሰተው ሰደድ እሳት ምክንያት እስካሁን 16 ሰዎች ህይወታቸው ማለፉ ተጠቅሷል፡፡
እንዲሁም በአደጋው ከ137 ሺህ በላይ ሰዎች ቤት ንብረታቸውን ጥለው መፈናቀላቸው ተነግሯል፡፡
ሰደድ እሳቱ 135 ቢሊዮን ዶላር የሚገመት ውድመት ማድረሱ የተገለፀ ሲሆን፣ ከዚህም ከፍ ሊል እንደሚችል ነው የተገለጸው።
በካሊፎርኒያ ባለው ሳንታ ሞኒካ ተራራ መነሻውን ያደረገው ይህ ሰደድ እሳት በአካባቢው ያለው ከፍተኛ ንፋሳማ የአየር ሁኔታ ሰደድ እሳቱ በቶሎ እንዲስፋፋ ማድረጉ ተገልጿል፡፡
እንደ ቢቢሲ ዘገባ እሳቱን ለመቆጣጠር የሚደረገው ጥረት ቢቀጥልም፤ በሎስ አንጀለስ የተለያዩ ስፍራዎች ለሚገኙ ነዋሪዎች አካባቢያቸውን ለቀው እንዲወጡ ወይም ለመውጣት እንዲዘጋጁ ተነግሯቸዋል ተብሏል።
በርካታ የእሳት ማጥፊያ ሄሊኮፕተሮች እና አውሮፕኖች እሳቱን ለማጥፋት አሁንም ርብርብ ማድረጋቸውን እንደቀጠሉም ተጠቅሷል።