Back

ለታላቁ ህዳሴ ግድብ ግንባታ የተሰበሰበው ገንዘብ 9.6 ቢሊየን ብር ደርሷል

መጋቢት 10፣ 2009

የታላቁ ህዳሴ ግድብ ግንባታ ከተበሰረበት ከ2003 ዓ.ም ጀምሮ በቦንድ ግዢ፣ ልገሳና ሌሎችን ድጋፎች ጨምሮ 9.6 ቢሊየን ብር መገኘቱን የኢትዮጵያ ልማት ባንክ አስታወቀ፡፡ 

የመክፈያ ጊዜያቸው ለደረሱ የታላቁ ህዳሴ ግድብ ቦንዶች ክፍያ እየፈፀመ መሆኑንም ባንኩ ገልጿል፡፡

በባንኩ የኮርፖሬት ቦንድ ማኔጅመንት ዳይሬክተር አቶ ፍሬው ካሳ ለኢዜአ እንደገለፁት ገቢው የተገኘው ከቦንድ ሽያጭ፣ ከታላቁ ህዳሴ ግድብ ዋንጫ፣ ከ8100 እና ከ10 ሚሊየን ብር  የህዳሴ ሎተሪ፣ ከዲያስፖራው የገንዘብ ድጋፍ እና ከቦንድ ሽያጭ ሳምንት ነው፡፡

በተለይ የመንግስትና የግል ሰራተኛው የገባውን ቃል በመጠበቅ የቦንድ ግዢ በማከናወን ረገድ ቀዳሚ መሆኑን ገልፀዋል፡፡

በገጠር የማይክሮ ፋይናንስ ተቋማትና በውጪ ሃገራት የኢትዮጵያ ኢምባሲዎች ዲያስፖራውን በማስተባበርና እንዲሁም ባለሃብቶችና የተለያዩ የህብረተሰብ ክፍሎች  ቦንድ በመግዛት የድርሻቸውን  እየተወጡ መሆኑንም ተናግረዋል፡፡

አቶ ፍሬው እንዳሉት መንግስት፣ የታላቁ ህዳሴ ግድብ ማስተባበሪያ ምክር ቤትና ልማት ባንክ የታላቁ ህዳሴ ግድብ ዋንጫን በየክልሉ በማዘዋወር  ህዝቡ ድጋፍ እንዲያደርግና ቦንድ እንዲገዛ እየተደረገ ነው፡፡

ህብረተሰቡ ቦንድ በመግዛት ለግድቡ ግንባታ ከሚያደርገው አስተዋፅኦ ጎን ለጎን በተለይ በገጠሩ ህብረተሰብ ዘንድ የቁጠባ ባህሉ እንዲዳብር ማድረጉንም ነው የገለፁት ፡፡

በሌላ በኩል በ2003/04 ተሸጠው የመክፈያ ጊዜያቸው የደረሱ ቦንዶች ክፍያ እየተፈፀመ መሆኑንም አቶ አቶ ፍሬው ገልፀዋል፡፡ 

የኢትዮጵያ ልማት ባንክ በተቋማት በኩል በሰራተኞች ስም የተገዛን ቦንድ በመሰብሰብና ከሂሳብ ቁጥራቸው ጋር በማስተሳሰር ቦንዱን ከገዙበት ልማት ባንክ አልያም ከንግድ ባንክ ገንዘቡ ገቢ እየተደረገላቸው መሆኑን ተናግረዋል ፡፡  

በግለሰብ የተገዛ ቦንድ የመክፈያ ጊዜው ከደረሰ ግለሰቡ ቦንዱን ለባንኩ በማስረከብ በሂሳብ ቁጥሩ ገቢ እንደሚደረግለትም ነው የገለፁት፡፡

ቦንድ ገዝተው የሂሳብ ቁጥር የሌላቸውና በጡረታ የተገለሉ ግለሰቦችም የመክፈያ ጊዜው ከደረሰ ቦንዱን በማስረከብ ቀጥታ ክፍያ እየተፈፀመላቸው መሆኑን ተናግረዋል ፡፡

እ.አ.አ 2016/17 በጀት አመት ከቦንድ ሽያጭ 1.8 ቢሊየን ብር ለመሰብሰብ ታቅዶ እስከ አሁን 852 ሚሊየን ብር ተሰብስቧል ፡፡


አፍሪካ የውኃ ሀብቷን መጠቀም እንድትችል የተማረ የሰው ሃይል ያስፈልጋታል ተባለ

በሱዳን የሚኖሩ ኢትዮጵያዊያን ወደ ሀገራቸው ተመልሰው እንዲሻሻሉ መንግስት ድጋፍ እንደሚያደርግ ገለጸ

አስተዳደሩ አስተምህሯቸውን ለመትግበር በሚያስችል መልኩ ታላቁ መሪ መለስ ዜናዊን እየዘከረ ነው

ሃላፊዎች ብስለት ያለው አመራርን ለማስቀጠል የታላቁ መሪ መለስ ዜናዊ ፈለግን መከተል እንዳለባቸው ተነገረ

ታላቁ መሪ ታጋይ መለስ ዜናዊ ዘመን ተሻጋሪ ስራዎችን ሰርተው ማለፋቸው ተገለጸ

ለኢትዮጵያ የእድገት ጉዞ የታላቁ መሪ መለስ ዜናዊ አመራር ወሳኝ ነበር- ጠ/ሚ/ር ሃይለማሪያም ደሳለኝ

በትግራይ ክልል 3ሺ ዘመናትን ያስቆጠሩ የአሸንዳ መዋቢያ ጌጣጌጦች ተገኙ

የሃዋሳ መለስ አረንጓዴ ፓርክ የአየር ንብረትና የፈጥሮ ሃብቶችን በመጠበቅ ረገድ ከፍተኛ ድርሻ እያበረከተ መሆኑ ተገለጸ

ለፀረ-ሙስና ዘመቻ ባለሃቱ ከመንግስት ጎን እንዲቆም ጠ/ሚ/ር ሀይለማርያም ደሳለኝ ጠየቁ