Back

ሶስት አገራት ስምምነቱን ካጸደቁት የናይል ተፋሰስ ኮሚሽን ይቋቋማል

ነሀሴ 6 ፤2009

ተጨማሪ ሶስት የናይል ተፋሰስ አገራት የትብብር ስምምነት ማዕቀፉን ካጸዱቁት የናይል ተፋሰስ ኮሚሽን እንደሚቋቋም የምስራቅ ናይል ቴክኒካል አህጉራዊ ጽህፈት ቤት ገለጸ።

ኢትዮጵያ፣ ታንዛኒያ እና ሩዋንዳ የናይል ወንዝ በፍትሐዊነት ጥቅም ላይ እንዲውል አስገዳጅ የህግ ማዕቀፍ መኖር አለበት የሚለውን መርህ በመደገፍ ስምምነቱን አጽድቀዋል።

በወንዙ ፍትሐዊ አጠቃቀም ላይ አስገዳጅ የህግ ማዕቀፍ እንዲኖር የናይል ተፋሰስ ኮሚሽን ለማቋቋም እ.ኤ.አ. በ2010 ኢትዮጵያ፣ ዩጋንዳ፣ ታንዛኒያ፣ ሩዋንዳ፣ ኬንያ እና ቡሩንዲ የናይል ትብብር ማዕቀፍ ስምምነቱን ተቀብለዋል።

የምስራቅ ናይል ቴክኒካል አህጉራዊ ጽህፈት ቤት ዋና ዳይሬክተር አቶ ፈቅአህመድ ነጋሽ እንደገለጹት የተፋሰሱ አገራት የዓባይን ወንዝ ፍትሐዊ በሆነ መንገድ መጠቀም የሚያስችላቸውን የናይል ተፋሰስ ኮሚሽን ለማቋቋም የሶስት አገራት ስምምነቱን የማጽደቅ ውሳኔ ብቻ ይቀራል።

ስምምነቱን የተቀበሉት አራት አገራት ደቡብ ሱዳን፣ ብሩንዲ፣ ኬንያና ኡጋንዳ ስምምነቱን ለማጽደቅ በሂደት ላይ እንደሆኑና ሶስቱ ካጸደቁት ኮሚሽኑ ተቋቁሞ አስገዳጅ የህግ ማዕቀፍም እንደሚሆንም አስታውቀዋል።

በመሆኑም ስምምነቱን የተቀበለችው ዲሞክራቲክ ኮንጎ አለመፈረም፣ የሱዳንና ግብጽ አለመቀበል ኮሚሽኑን ከመቋቋም አያግደውም፤ ነገር ግን በማንኛውም ጊዜ ስምምነቱን በማጽደቅ የኮሚሽኑ አካል መሆን ይችላሉ ብለዋል።

በአዲስ አበባ ዩኒቨርስቲ መምህርና የድንበር ተሻጋሪ ወንዞች ተመራማሪ ዶክተር ያዕቆብ አርሳኖ በበኩላቸው ሱዳንና ግብጽ ስምምነቱን ባለመቀበላቸው ጉዳት እንጂ የሚያገኙት ጥቅም የለም ይላሉ።

ምንጭ፡ ኢዜአ


የትራንስ አፍሪካ ሀይዌይ አካል የሆነው ከሀዋሣ ሞያሌ የመንገድ ግንባታ በተለያዩ ምዕራፎች ተከፍሎ እየተከናወነ ነው

ም/ጠ/ሚ አቶ ደመቀ መኮንን ከግብፅ ተጠባባቂ ጠቅላይ ሚኒስትር ሙስጠፋ ማድቦሊ ጋር በግብፅ መከሩ

የወላጆቻቸውን የዓላማ ፅናትና ህዝባዊነት ጠብቀው ለትውልድ እንደሚያስተላልፉ የትግራይ ሰማዕታት ልጆች ተናገሩ

የእንቦጭ አረም በቆቃ ሀይቅ ላይ በከፍተኛ ደረጃ መዛመቱ ተጠቆመ

ወደ ቻይና በትምህርት ዕድል ስም በህገ ወጥ ደላሎች የሚላኩ ኢትዮጵያዉያን ተማሪዎች ለዕንግልት ተዳርገዋል ተባለ

በኳታር የሚኖሩ ኢትዮጵያዊያን መብት ለማስከበር በትኩረት እንደሚሰራ በአገሪቱ የኢፌዴሪ ኤምባሲ አስታወቀ

ወጣቶችን ለህገ ወጥ ስደት በሚዳርጉ ችግሮች ላይ በስፋት እንዲሰራ የሽሬ እንዳስላሴ ነዋሪዎች ጠየቁ

በተዘረጉ የኤሌክትሪክ መስመሮች ላይ ሃይል ባለመለቀቁ ተጠቃሚ አልሆንም:- የምእራብ ጉጂ ዞን አርብቶ አደሮች

ጠ/ሚ ኃይለማርያም ደሳለኝ ከሰሜን ሸዋ ዞን አርሶ አደሮች ጋር ተወያዩ