Back

የአገሪቱ ሰላም በመሻሻሉ የፌደራል ኮማንድ ፖስት የፀጥታ ስራውን ለክልሎች ሊያስተላልፍ ነው

ሐምሌ 10፣ 2009

በአገሪቱ ያለው ሰላም እየተሻሻለ  በመምጣቱ የፌደራል ኮማንድ ፖስት በክልሎች ያለውን የፀጥታ ስራ ለክልሎች  እየሰጠ መሆኑን የአስቸኳይ ጊዜ አዋጅ ኮማንድ ፖስት ገለፀ፡፡

የአስቸኳይ ጊዜ አዋጅ ኮማንድ ፖስት  ባለፉት 9 ወራት  በአገሪቱ ሰላምና ፀጥታን ለማስፈን  የተከናወኑ ስራዎችን ገምግሟል፤ በቀጣይ በሚከናወኑ ስራዎች ላይም  ተወያይቷል፡፡

የኮማንድ ፖስቱ ሴክሬታሪያትና  የኢፌዲሪ መከላከያ ሚንስትሩ አቶ ሲራጅ ፈጌሳ  ከውይይቱ በኋላ  በሰጡት መግለጫ  ባለፉት 9 ወራት በተከናወኑ ስራዎች  የአገሪቱ ሰላም ከጊዜ ወደ ጊዜ  እየተሻሻለ መምጣቱን   ገልፀዋል፡፡ ለዚህም ህዝቡና  በየደረጃው ያው  አመራር  ተቀናጅተው መስራታቸው ዋነኛ ምክንያት መሆኑን  ገልፀዋል፡፡

ኮማንድ ፖስቱ   የፀጥታ ችግር በነበረባቸው አካባቢዎች  የሚገኙ የፀጥታ  አካላትን  በማሰልጠን ፣ በማደራጀት እንዲሁም  ችግር ያለባቸውን አካላት በማጥራት  ውጤታማ ስራ ማከናወኑን አቶ ሲራጅ ተናግርዋል፡፡

አሁን ላይ በአገሪቱ ያለው ሰላም እየተሻሻለ  ከመምጣቱ ጋር ተያይዞ  የፌደራል ኮማንድ ፖስት  አካላት በክልሎች ያለውን የፀጥታ ስራ ለክልሎች  የፀጥታ  አካላት  እየሰጡ መሆናቸውንም ገልፀዋል፡፡

የአስቸኳይ ጊዜ አዋጁ ይነሳል ወይ በሚል ከጋዜጠኞች ለቀረበላቸው ጥያቄ፣ ሰላሙ እየተረጋጋ መምጣቱንና አስፈላጊ የፀጥታ ስራዎች መሰራታቸውን የገለፁት ኃላፊው፣ ለጉዳዩ የሚመለከተው አካል ሁኔታውን አጢኖ ውሳኔ እንደሚሰጥበት አመልክተዋል፡፡

አቶ ሲራጅ እንዳሉት ባፉት ዘጠኝ ወራት የሰላም ሁኔታው በመሻሻሉ የመሰረተ ልማትና  የመንግስት ተቋማትን በመጠቀም  ባለሃብቶችና ዜጎች ስራቸውን በሰላማዊ መንገድ  እንዲያናውኑ ማድረግም ተችሏል፡፡ ይሁን እንጂ  በአገሪቱ ለተከሰተው ሁከትና ብጥብጥ ዋንኛ ምክንያት የሆኑት የመልካም አስተዳደርና የወጣቶች ስራ ዕድል ፈጠራ አሁንም በትኩረት ሊሰራበት እንደሚገባም ኮማንድ ፖስቱ አሳስቧል፡፡

ሪፖርተር ፡‑ ደምስ መኩሪያ 


የጸጥታው ምክር ቤት በአይ ኤስ አይ ኤስ የአሸባሪው ቡድን ላይ ውሳኔ አሳለፈ

ኢትዮጵያ የተረጋጋች ሶማሊያን እውን ለማድረግ የሚደረገውን ጥረት እንደምትደግፍ አሰታወቀች

በኮሪያ ባህረ ሰላጤ ያለው ውጥረት በውይይት እንዲፈታ ዶክተር ወርቅነህ ገበየሁ ጠየቁ

የመስቀል በአልን የቱሪስት መስህብ ለማድረግ እየተሰራ ነው:- የባህልና የቱሪዝም ሚኒስቴር

የአፍሪካን ግብርናን ለማሳደግ ኢትዮጵያ ልምዷን ታካፍላለች፦ጠ/ሚ ኃይለማርያም

የመለስ ዜናዊ አመራር አካዳሚ ከቻይና ኮሚኒስት ፓርቲ ትምህርት ቤት ጋር በትብብር ለመሥራት የሚያስችል ስምምነት ተፈራረመ

ኢትዮጵያ ከኩባ ጋር ያላትን ትብብር ማሳደግ እንደምትፈልግ ገለጸች

የጸጥታው ምክር ቤት አባላት የኢትዮጵያን የሰላም ማስከበር ጥረት አደነቁ

የውጭ ጉዳይ ሚንስትር ዶ/ር ወርቅነህ ገበየሁ ከሱዳኑ አቻቸው ጋር ተወያዩ