Back

ግዙፉ ጄነራል ኤሌክትሪክ ኩባንያ ቢሮውን በአዲስ አበባ ከፈተ

ግንቦት 11፣2009

በዓለም ግዙፉ የዲጂታል ኢንዱስትሪ ኩባንያ የሆነው ጄነራል ኤሌክትሪክ በአዲስ አበባ ቢሮውን ከፈተ።

በመክፈቻ ስነስርዓቱ ላይ የኢፌዲሪ ፕሬዝዳንት ዶክተር ሙላቱ ተሾመ፣ በአፍሪካ የኩባንያው ፕሬዝዳንትና ስራ አስፈጻሚ ጃይ አየርላንድ እና በኢትዮጵያ የጄኔራል ኤሌክትሪክ ስራ አስፈጻሚ አቶ ዳንኤል ሃይሉና ሌሎች እንግዶች ተገኝተዋል።

ፕሬዝዳንት ዶክተር ሙላቱ ተሾመ እንዳሉት የጄነራል ኤሌክትሪክ በኢትዮጵያ ቢሮውን መክፈቱ መንግስት ምቹ የቢዝነስ አካባቢን ለመፍጠርና የውጭ ባለሀብቶችን ለመሳብ የሚያደርገው ጥረት አንዱ ማሳያ ነው።

ይህም ጥረት መንግስት ሀገሪቱ በ2025 መካከለኛ ገቢ ካላቸው ሀገራት ተርታ ለመሰለፍ የያዘችው አገራዊ ግብ አካል ነው ብለዋል።

በኢትዮጵያ የጀኔራል ኤሌክትሪክ ስራ አስፈጻሚው አቶ ዳንኤል ሃይሉ ኩባንያው በኢትዮጵያ ስራውን ከጀመረ ዘጠኝ ዓመታት ያስቆጠረ መሆኑን ገልፀው፤ የሰው ሃይሉን በማጠናከር ሀገሪቱ በሃይል፣ በትራንስፖርት እና በጤናው መስክ ስኬት ለማስመዝገብ በምትሰራው ስራ የበኩላችንን ለማበርከት እንሰራለን ብለዋል።

በኢትዮጵያ አዲስ በተከፈተው ቢሮው አማካኝነትም በሀገሪቱ ካሉ የግል ዘርፎች እና ኢንተርፕራይዞች ጋር በመቀናጀት የቴክኖሎጂና የእውቀት ሽግግር ስራን ያከናውናል ነው የተባለው።

ኩባንያው ለሀገሪቱ ሁለተኛ የእድገትና ትራንስፎርሜሽን እቅድ ስኬት አስተዋጽኦ በማድረግ የኢንዱስትሪ እድገትን እንደሚያፋጥንም ተገልጿል፡፡

ጄነራል ኤሌክትሪክ የአፍርካ የኢንቨስትመንት አጋርነቱን ለማጠናከር በተለይም ከሰሃራ በታች ባሉ 33 ሀገራት 2 ሺህ 600 ሰራተኞችን ይዞ እየሰራ ነው።

በዚህም እንቅስቃሴው ኩባንያው በ2016 በጀት ዓመት 3 ነጥብ 9 ቢሊዮን የአሜሪካ ዶላር ገቢ አግኝቷል።

ምንጭ፦ ጄነራል ኤሌክትሪክ ኩባንያ


የትራንስ አፍሪካ ሀይዌይ አካል የሆነው ከሀዋሣ ሞያሌ የመንገድ ግንባታ በተለያዩ ምዕራፎች ተከፍሎ እየተከናወነ ነው

ም/ጠ/ሚ አቶ ደመቀ መኮንን ከግብፅ ተጠባባቂ ጠቅላይ ሚኒስትር ሙስጠፋ ማድቦሊ ጋር በግብፅ መከሩ

የወላጆቻቸውን የዓላማ ፅናትና ህዝባዊነት ጠብቀው ለትውልድ እንደሚያስተላልፉ የትግራይ ሰማዕታት ልጆች ተናገሩ

የእንቦጭ አረም በቆቃ ሀይቅ ላይ በከፍተኛ ደረጃ መዛመቱ ተጠቆመ

ወደ ቻይና በትምህርት ዕድል ስም በህገ ወጥ ደላሎች የሚላኩ ኢትዮጵያዉያን ተማሪዎች ለዕንግልት ተዳርገዋል ተባለ

በኳታር የሚኖሩ ኢትዮጵያዊያን መብት ለማስከበር በትኩረት እንደሚሰራ በአገሪቱ የኢፌዴሪ ኤምባሲ አስታወቀ

ወጣቶችን ለህገ ወጥ ስደት በሚዳርጉ ችግሮች ላይ በስፋት እንዲሰራ የሽሬ እንዳስላሴ ነዋሪዎች ጠየቁ

በተዘረጉ የኤሌክትሪክ መስመሮች ላይ ሃይል ባለመለቀቁ ተጠቃሚ አልሆንም:- የምእራብ ጉጂ ዞን አርብቶ አደሮች

ጠ/ሚ ኃይለማርያም ደሳለኝ ከሰሜን ሸዋ ዞን አርሶ አደሮች ጋር ተወያዩ