የወጣቶችን ተዘዋዋሪ ፈንድ ወደስራ ለማስገባት የሚያስችሉ አሰራሮች እየተዘረጉ ነው፡‑ የአ.አ ከተማ አስተዳደር

ግንቦት 11፣2009

የወጣቶችን ተዛዋዋሪ ፈንድ ጥቅም ላይ ለመዋል የሚያስችሉ አሰራሮችን እየዘረጋ መሆኑን  የአዲስ አበባ  ከተማ አስተዳደር አስታወቀ፡፡

ከፌዴራል መንግስት የሚያገኘውን ና የራሱን ድርሻ ለተዘዋዋሪ ፈንድ በመመደበብ  የአፈፃፀም አቅጣጫ ማስቀመጡን የከተማው የፋይናንስና ኢኮኖሚ  ልማት ምክትል ቢሮ ኃላፊ አቶ ወርጃሞ ብሩ ተናገረዋል፡፡   

በዚህም አስተዳደሩ የራሱን ካፒታል በመመደብ ጭምር   የከተማው የፋይናንስና ኢኮኖሚ  ልማት ቢሮ በበላይነት እንዲመራው ምክትል ቢሮ ኃላፊው ገልፀዋል፡፡

አቶ ወርጃሞ በተለይ ለኢቢሲ እንዳሉት  የተዘዋዋሪ ፈንድ ለስራ አጥ ወጣቶች ብቻ እንዲውል ጥብቅ ቁጥጥር ይደረጋል፡፡ 

በከተማ ደረጃ የሚመደበውን  የወጣቶች ፈንድ  በአዲስ ብድርና ቁጠባ ተቋም በኩል ተደራሽ እንደሚደረግም አቶ ወርጃሞ ተናግረዋል፡፡

በአዲስ አበባ  25 ሺህ የሚገመቱ ማህበራት በአነስተኛና ጥቃቅን ተደራጅተው ስራ ላይ እንደሚገኙ የከተማ አስተዳደሩ መረጃ ያመለክታል፡፡

በመስፍን ገብረ ማርያም